Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору Кыргыз Республикасынын жарандарын чет өлкөдө ишке орноштурууну ишке ашыруу үчүн уруксат алуу тартиби жана керектүү документтердин тизмеси тууралуу маалымдайт.

1-этабы – Негизги документтерди тапшыруу

Уруксат алуу жана анын мөөнөтүн узартуу үчүн юридикалык жана жеке жактар төмөнкүдөй документтерди берет:

1) юридикалык жана жеке жактардын уруксат алуу/узартуу үчүн арызы;

2) юридикалык жактын жетекчисинин, уюштуруучулардын ким экендигин күбөлөндүргөн документтердин көчүрмөлөрү, чет өлкөлүк жаран үчүн - анын Кыргыз Республикасынын аймагында болуусунун мыйзамдуулугун күбөлөндүргөн документтин көчүрмөсү жана иштөөгө уруксаты. Эгерде уюштуруучулардын курамында чет өлкөлүк жаран болсо - анын Кыргыз Республикасынын аймагында болуусунун мыйзамдуулугун күбөлөндүргөн документтин көчүрмөсү жана иштөөгө уруксаты, ошондой эле чет өлкөлүк жарандын паспортунун нотариалдык күбөлөндүрүлгөн котормосу;

3) арыз ээсинин иш берүүчү/чет өлкөлүк ортомчу уюм менен кызматташуусун ырастаган макулдашуулардын, келишимдердин же башка документтердин көчүрмөлөрү, эгерде алар чет тилде түзүлсө - аталган документтердин нотариалдык күбөлөндүрүлгөн котормосу;

4) апостиль коюлган же легалдаштыруу процессинен өткөн, кабыл алуучу тараптын чет өлкөлүк жарандарды ишке орноштуруу укугун ырастоочу документтердин нотариалдык күбөлөндүрүлгөн көчүрмөлөрү же эгер ишке орношкон мамлекеттин мыйзамдары менен чет өлкөлүк жарандарды жумушка орноштурууга уруксат (лицензия) берүү каралбаса, иш берүүчүнүн чарбалык ишинин түрүн аныктаган документинин көчүрмөсүнүн нотариалдык күбөлөндүрүлгөн көчүрмөсү.

Чет мамлекеттердин аймагында таризделген, уруксатты алуу же узартуу үчүн берилген расмий документтер, эгерде Кыргыз Республикасы катышуучу болуп саналган мыйзамда белгиленген тартипте күчүнө кирген эл аралык келишимдерде башкача каралбаса, консулдук легалдаштыруу болгон учурда Кыргыз Республикасында жарактуу деп таанылат. Чет тилде түзүлгөн документтер Кыргыз Республикасынын мамлекеттик же расмий тилдерине которулууга тийиш. Документтерди которгон котормочунун колунун аныктыгы нотариалдык күбөлөндүрүлүүгө тийиш;

5) иш берүүчү менен жумушчунун ортосундагы эмгек келишиминин долбоору;

6) ишке орноштурууга көмөктөшүү үчүн кызмат көрсөтүүлөрдүн бекитилген тарифи;

7) жөнөтүүчү менен иш издөөчүнүн ортосундагы кызмат көрсөтүүлөр боюнча типтүү келишим, ал уруксат алынган учурда ишке орноштуруу процессинде пайдаланылууга тийиш.

2-этабы – Финансылык документтер

• Уруксат берүү үчүн мамлекеттик алымды төлөгөнүн тастыктаган документ
• Кепилдиктик төлөм суммасын арыз берүүчү белгиленген банк эсебине которгонун тастыктаган документ

Тапшыруу тартиби:
Арыздар жана документтер жеке же ыйгарым укуктуу өкүл аркылуу (ишеним кат менен, өкүлдүн паспортунун көчүрмөсүн кошо) тапшырылат.
Документтер тизмеси менен кошо берилет:

• 1 нуска – папкада (Көктөм №)
• Кошумча: 3 нуска папкада (Көктөм №) – уруксатты алгач алуу үчүн
• Узактыгын узартууда – 1 нуска

📌 Документтердин толук тизмеси жана формалары Борбордун расмий сайтында жайгаштырылган: www.migrant.kg