2024-жылдын 29-майында Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору менен "Кодже"чет өлкөлүк кызматкерлерди колдоо борборунун ортосунда Кызматташуу жана өз ара аракеттенүү жөнүндө Меморандумга кол коюлду.

Меморандумга кол коюунун максаты эки уюмдун ортосунда узак мөөнөттүү өнөктөштүктү түзүү жана мамилелерди өнүктүрүү болуп саналат, анда эки тарап тең Кыргыз Республикасынын эмгек мигранттарын колдоого байланыштуу тажрыйба жана маалымат менен активдүү алмашышат.

Борборлор конкреттүү милдеттерди чечүү жана биргелешкен программаларды иштеп чыгуу үчүн биргелешкен жумушчу топторду түзүшөт, ошондой эле биргелешкен иш-чараларды өткөрүү пландаштырылууда, анда актуалдуу маселелер жана тажрыйба алмашуу талкууланат.

Меморандум эки уюмдун ортосундагы кызматташтыкты өнүктүрүүдөгү маанилүү этапты билдирет жана Кыргыз Республикасынын жарандары үчүн чет өлкөлөрдө жумушка орношуу шарттарын жакшыртууга өбөлгө түзөт.

Бул макулдашуу эмгек шарттарын жакшыртуу жана чет өлкөлүк кызматкерлердин укуктарын жана кызыкчылыктарын камсыз кылуу үчүн жаңы мүмкүнчүлүктөрдү ачат. Жарандарды чет өлкөдө  ишке орноштуруу борбору жана "Кодже" чет элдик жумушчуларды колдоо борбору бул өнөктөштүк эки тараптын кызматташтыгына жана кесиптик өсүшүнө олуттуу салым кошот деп ишенишет.