2024-жылдын 15-мартында Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борборунун директору Б.Кудайбердиев  Кыргыз тилдер жана маданият институтунун алдындагы Сежон Король институту (Сокулук) менен кызматташуу жана өз ара аракеттенүү жөнүндө меморандумга кол койду. Бул кызматташуунун алкагында  Кыргыз тилдер жана маданият институтунун алдындагы Сежон Король институту республиканын 5 облусунда жана Бишкек шаарында Кыргыз Республикасынын жарандарына корей тилин акысыз окутуу боюнча пилоттук долбоорду ишке ашырууда. 

Кыргыз Республикасынын 30 жаштан 55 жашка чейинки жарандары 2024-жылдын апрелинин биринчи жумасынан баштап корей тили боюнча акысыз билим ала алышат. Бул, албетте, 9 жума (сабактардын саны аймакка жараша) созулат, жумасына 4 саат. Курстун аягында корей тили боюнча экзаменди ийгиликтүү тапшыргандарга Седжонг институтунун сертификаты берилет.

Тренинг төмөнкү жерлерде өтөт:

1. Бишкек шаары: 40 окуучуга чейин;
2. Чүй облусу (Сокулук ш., Кыргыз тилдер жана маданият институту): 40ка чейин окуучу;
3. Талас облусу (Талас шаары, Талас мамлекеттик университети): 20га чейин окуучу;
4. Ысык-Көл облусу (Каракол шаары, Ысык-Көл мамлекеттик университети): 20га чейин окуучу;
5. Ош облусу (Ош шаары, Ош мамлекеттик университети): 20га чейин окуучу;
6. Баткен облусу (Баткен ш., Баткен мамлекеттик университети): 20га чейин окуучу.

Кененирээк маалыматт:  +996 706 091 019

Instagram баракчаларыбыздан биле аласыз: @info.migrant.kg жана @sejong_sokuluk.

Белгилей кетсек, Борбор учурда Кыргыз Республикасынын жарандарын Корея Республикасында сезондук жумушка орноштуруу үчүн шарттарды түзүү маселеси боюнча иштеп жатат. Корея Республикасындагы сезондук жумушчу программасына катышуунун негизги шарттарынын бири корей тилин базалык дэңгелде билүү болуп саналат.