📅 17-февраль 2025-жыл күнү HOPS Labour Solutions Ltd (HOPS) оператору аркылуу Улуу Британиядагы сезондук айыл чарба жумуштарына онлайн каттоо жүргүзүлдү. Каттоого 33 509 адам катышты.

⚠ Маанилүү! Онлайн каттоо кийинки тандоо этаптарына катышууга кепилдик бербейт – бул талапкерлердин кызыкдар экендигин гана тастыктайт.

Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору төмөнкү тандоо этаптары башталганын жарыялайт:

📅 21 – 23-февраль 2025-жыл – HOPS оператору тарабынан онлайн-тестирлөө.
📩 Тестирлөөгө чакыруу бир гана тандалып алынган талапкерлерге электрондук почта аркылуу жөнөтүлөт. Почтаңызды, анын ичинде “Спам” папкасын да текшерип туруңуз.

📅 Кийинки этап – офлайн маектешүү HOPS өкүлдөрү менен.

📌 Эгерде сиз офлайн маектешүүгө чакыруу албасаңыз, анда сиз онлайн тестирлөөдөн өтпөй калдыңыз дегенди билдирет.

📢 Жаңылыктарды расмий булактардан көзөмөлдөп туруңуз!