Борбор «HOPS LABOUR SOLUTIONS LTD» оператору тарабынан 2024-жылдын 11-ноябрындагы жарандарды каттоо жокко чыгарылганын билдирет.

Жарандар тарабынан туура эмес толтурулган каттоо маалыматтарынын көптүгүнө байланыштуу “HOPS” оператору 2024-жылдын 11-ноябрындагы Улуу Британиянын сезондук айыл чарба иштерине болуп өткөн каттоону жокко чыгаруу чечимин кабыл алды. Борбор келтирилген ыңгайсыздыктар үчүн кечирим сурайт.

Кайра онлайн каттоо 2024-жылдын 13-ноябрында саат 16:00дө (Бишкек убактысы боюнча) ачылат.

Ошол эле учурда, Борбор Улуу Британиянын айыл чарба жумуштары программасына мурда катышкан жарандарды каттоого катышпоону суранат, себеби  каттолуучулар “HOPS” оператору тарабынан автоматтык түрдө жокко чыгарылат.

Эскертүү!!!

Борбор жарандардан каттоо анкетасынын пункттарын толтурууну жана бардык суроолорго туура жооп берүү зарыл экенин белгилейт.

Тандоо процесси толугу менен HOPS оператору тарабынан жүргүзүлөт, Борбор процесске катышпайт. Улуу Британияга сезондук жумушчулардын программасы боюнча ишке орноштуруу толугу менен акысыз жүргүзүлөт. Улуу Британияда ишке орноштуруу үчүн акча талап кылган  компаниялардын же ортомчулардын курмандыгы болбоңуз!

1000 орун толгондон кийин онлайн каттоо автоматтык түрдө жабылат.