Түркия Республикасында мейманкана тейлөө тармагында иштөөнү каалаган жарандар 2026-жылдын 13-январында Бишкек шаарында өтө турган бетме-бет маектешүүгө катышууга чакырылат.

Маектешүү төмөнкү талаптарга жооп берген талапкерлер үчүн өткөрүлөт:

• жаш курагы 18ден 35 жаштагылар;
• түрк, англис же башка чет тилин билүү;
• массажист (сертификаты бар), ашпозчу жана пляж куткаруучулары адистиктери боюнча талапкерлер каралат.

Маектешүүнүн өтүү күнү, убактысы жана жери:
📅 Дата: 2026-жылдын 13-январы
⏰ Убактысы: 09:00
📍 Жери: Бишкек ш., Медеров көч., 115
🏨 Garden Hotel ( «Гарден» мейманканасы, Бишкек)

👔 Дресс-код: иштиктүү / тыкан

📄 Өзүңүз менен төмөнкүлөрдү кошо ала келүү зарыл:

• сүрөтү бар резюме;
• 3,5 х 4,5 өлчөмүндөгү сүрөт;
• жалпы жарандык паспорт.

Маектешүүгө катышуу Түркия Республикасында мейманкана тейлөө тармагында мындан аркы мыйзамдуу жана уюшкан түрдө ишке орношуу үчүн тандоодон өтүүгө мүмкүнчүлүк берет.

Маанилүү маалымат:

Жарандарды чет өлкөдө ишке орноштуруу борборунун кызматтары толугу менен акысыз көрсөтүлөт.
Талапкерлерден ортомчулук кызматтар үчүн эч кандай акы алынбайт.
Төлөмдөр визалык жол-жоболордун алкагында гана жүргүзүлөт, кошумча же жашыруун төлөмдөр каралган эмес.
Каттоодон өткөн талапкерлерди тандоо түркиялык иш берүүчүлөр тарабынан жүргүзүлөт.