Борбор британиялык «HOPS LABOR SOLUTIONS LTD» операторунун демилгеси менен 13-ноябрдагы Улуу Британиянын сезондук жумушка онлайн каттоо кайрадан жокко чыккандыгын маалымдайт.

Кайра каттоо бүгүн, 13-ноябрда саат 20:00 Борбордун Instagram социалдык платформасынын “info.migrant.kg” расмий баракчасында ачылат.

Борбор, 2024-жылдын 13-ноябрындагы онлайн каттоо арыздарынын көп келип түшкөндүгүнө байланыштуу жана www.migrant.kg сайтындагы техникалык мүчүлүштүктөрдөн улам, “HOPS Labor Solutions Ltd” операторунун демилгеси менен кайрадан жокко чыкты.

Борбор келтирилген ыңгайсыздыктар үчүн кечирим сурайт.

Кайра каттоо бүгүн, 2024-жылдын 13-ноябрында (Бишкек убактысы боюнча) саат 20:00, Борбордун Instagram социалдык платформа расмий баракчасы – “info.migrant.kg”, сторис (Stories) бөлүмүндө ачылат.

Эскертүү!!!

Ошол эле учурда Борбор Улуу Британиянын айыл чарба иштери боюнча программага мурда катышкан жарандарды каттоого катышпоону суранат, себеби арыздар автоматтык түрдө жокко чыгарылат.

Борбор жарандардан каттоо анкетасынын пункттарын толтурууну жана бардык суроолорго туура жооп берүү зарыл экенин белгилейт.

Тандоо процесси толугу менен HOPS оператору тарабынан жүргүзүлөт, Борбор тандоо процессине катышпайт. Улуу Британиянын сезондук жумушчулардын программасы боюнча ишке орноштуруу толугу менен акысыз жүргүзүлөт. Улуу Британияда ишке орноштуруу үчүн акча талап кылган  компаниялардын же ортомчулардын курмандыгы болбоңуз!

1000 орун толгондон кийин онлайн каттоо автоматтык түрдө жабылат.