Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору (мындан ары — Борбор) Кыргыз Республикасынын жарандарын Россия Федерациясына кирүүгө чектөөлөр боюнча өз алдынча текшерүүнүн жеткиликтүү жолдору жөнүндө маалымдайт жана мыйзамдарды айланып өтүү аракеттерине жол берилбестигин эскертет. 

🔍Кирүүгө тыюунун бар же жок экендигин кантип текшерүүгө болот:

1. Борбордун сайты аркылуу:
   www.migrant.kg сайтына кирип, «Кара тизме» бөлүмүнө өтүңүз, форманы толтуруңуз жана жоопту онлайн алыңыз (аты-жөнүңүздү жалпы жарандык жана ID паспорттор боюнча кайталап текшериңиз).
2. Migrant.kg мобилдик тиркемеси аркылуу:
   Google Play жана App Store дүкөндөрүнөн жүктөп алсаңыз болот.
3. Борборго жеке кайрылуу аркылуу:

• Бишкек шаары, Токтогул көчөсү, 237 (Жаш Гвардия бульвары менен кесилишет)
• Ош шаары, Курманжан Датка көчөсү, 128

⚠️Россия Федерациясынын «кара тизмесине» түшүүнүн себептери:

• РФнын миграциялык мыйзамдарын бузуу:
  • убагында каттоого турбоо;
  • болуу мөөнөтүн ашыруу;
  • уруксаты жок иштөө;
• РФнын административдик же кылмыш-жаза мыйзамдарын бузуу;
• Документтерди жасалмалоого аракеттенүү же жалган маалымат берүү ж.б.

🛑 Мыйзам бузгандарга административдик, ал эми айрым учурда — кылмыш жоопкерчилиги колдонулат.

ℹ️ Тыюунун себебин кантип тактоо керек:
Эгер жаранга РФга кирүүгө тыюу салуу чечими чыгарылса, ал чектөө мөөнөтү аяктагандан кийин же сотко чейинки/сот тартибинде жокко чыгарылгандан кийин гана чек арадан өтө алат.

📎 Расмий жооп алуу үчүн РФ ИИМнин Миграция маселелери боюнча башкы башкармалыгына тиешелүү арыз менен кайрылуу керек (ишеним кат аркылуу өкүл аркылуу да кайрылса болот).

📨 Электрондук кайрылууну төмөнкү шилтеме аркылуу берсеңиз болот:
👉 https://мвд.рф/request_main

🧾 Арызга сурама кат берилген чет өлкөлүк жарандын өздүгүн күбөлөндүрүүчү документи тиркелет.

📚 Булак: https://visasam.ru/news/vezd-v-rossiyu-iz-kirgizii.html

✅Борбор сунуштайт:

• РФга кирүүгө тыюуну www.migrant.kg сайтынан текшериңиз;
• Документтерди үчүнчү жактарга бербеңиз;
• Тыюуну айланып өтүүгө аракет кылбаңыз — бул абалды оорлотот;
• Расмий гана булактарды колдонуңуз.

📞 Борбордун “Түз байланышы”: +996 559 189 900
☎ Кыргыз Республикасынын Эмгек, социалдык камсыздоо жана миграция министрлигинин Россия Федерациясындагы өкүлчүлүгү:
119180, Москва ш., Малая Полянка көч., 7, стр. 5
Тел.: +7 495 197 76 71

Түз байланыш: +7 925 030 26 27
Эл. почта: pred.mtsom@mail.ru