Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору “Тилектештик” борборунун колдоосу менен Нарын жана Каракол шаарларында Коопсуз миграция кербени өткөрүлөрүн маалымдайт.

👥 Катышуучулар төмөнкү мүмкүнчүлүктөргө ээ болушат:
— Түштүк Корея, Улуу Британия, Германия, Түркия жана Европанын башка өлкөлөрүндөгү бош жумуш орундар тууралуу актуалдуу маалымат алуу;
— лицензияланган жеке ишке орноштуруу агенттиктери аркылуу чет өлкөдө ишке орношуу этаптары боюнча консультация алуу;
— Чет өлкөдө жарандарды ишке орноштуруу борборунун кызматтары тууралуу маалымат алуу;
— чет өлкөдө ишке орношууда алдамчылыктын алдын алуу.

Жайкы жумуштар программасынын алкагында студенттердин коопсуздугун камсыз кылуу маселеси боюнча кошумча маалымат берилет.

Ошондой эле иш-чарага Кыргыз Республикасындагы EPS Center өкүлдөрү катышып, Түштүк Кореяда EPS программасы аркылуу ишке орношуу тууралуу кеңири маалымат беришет, анын ичинде:
📌 EPS-TOPIK экзамени деген эмне жана ал ишке орношууга кандай таасир этет;
📌 экзаменге кантип даярдануу жана кандай тил талаптары бар;
📌 EPS программасынын алкагында виза алуу жана ишке орношуу процесси кандай өтөт.

📲 Жаңылыктарды көзөмөлдөп туруңуз: Instagram — info.migrant.kg