Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору (Борбор) Эл аралык миграциялык саясатты өнүктүрүү борборунун (ICMPD) колдоосу менен Ысык-Көл облусунда «Коопсуз миграция кербенинин» алкагында бир катар иш-чаралар өткөрүлөрүн маалымдайт.

⚠ Башка облустар боюнча маалыматтарды Борбордун Instagram – info.migrant.kg расмий баракчасынан караңыз.

📌 Иш-чараларга лицензиясы бар жеке ишке орноштуруу агенттиктердин катышуусунда, кызмат көрсөтүү, транспорт, соода, билим берүү, саламаттыкты сактоо жана башка тармактар боюнча актуалдуу жумуш орундарын сунушташат.

👥 Катышуучулар төмөнкүлөрдү ала алышат:
* Корея Республикасы, Улуу Британия, Германия, Венгрия жана башка Европа өлкөлөрүндөгү актуалдуу бош орундар тууралуу маалымат;
* Чет өлкөдө расмий ишке орношуу этаптары боюнча лицензиясы бар жеке ишке орноштуруу агенттиктеринен кеңештер;
* Эмгек мыйзамдары жана расмий ишке орношуу боюнча юридикалык консультациялар.

Мындан тышкары, иш-чарага Кыргыз Республикасындагы EPS борборунун өкүлдөрү да катышып, EPS программасы аркылуу Түштүк Кореяга ишке орношуу тууралуу кеңири маалымат беришет, анын ичинде: 

📌EPS-TOPIK экзамен туралуу деген эмне; 

📌экзаменге кантип даярдануу керек жана кайсы тилдик талаптарды эске алуу зарыл; 

📌EPS программасы аркылуу  ишке орношууга документ тапшыруу процесси кандай өтөт.

📲 Жаңылыктарды *Instagram — info.migrant.kg* барагынан окуңуз.