Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору Кыргыз Республикасынын жарандарын Турция Республикасында мейманкана тейлөө тармагында ишке орноштуруу үчүн онлайн – каттоо ачылгандыгын жарыялайт.

Ишке орноштуруу төмөнкү мейманканаларда жүргүзүлөт:
Kundu Topkapı, Serik Likya, Kemer Swandor.

Эмгек акы:

Айлык акы 39–40 миң түрк лирасы өлчөмүндө белгиленип, төлөмдөр түрк валютасында жүргүзүлөт.

Иш режими жана эмгек келишиминин шарттары:

• иш убактысы — күнүнө 8 саат, жумасына 6 күн
• эмгек келишиминин мөөнөтү — 6 ай

Жумуш орундар:

• F&B  (тамак-аш жана суусундуктар) -(англис тилин билүү талап кылынат)
• коноктор менен иштөө боюнча менеджерлер (Guest Relations)- (англис тилин билүү талап кылынат)
• ашкана кызматкерлери
• идиш жууучу
• горничная / Бөлмө тазалоочу
• клининг кызматкерлери/Коомдук жайларды тазалоо
• кир жуучу бөлүм

Талаптар:

• Кыргыз Республикасынын жарандыгы
• жаш курагы 19 жаштан 35 жашка чейин
• 2027-жылга чейин жарактуу жалпы жарандык (чет өлкөгө чыгуучу) паспорту болушу
• түрк жана орус тилдерин билүү артыкчылык болуп саналат

Иш берүүчүнүн милдеттенмелери:

• кайтуу авиабилети менен камсыз кылуу; эмгек келишиминин мөөнөтү толук аяктагандан кийин Түркияга учкан авиабилеттин наркы иш берүүчү тарабынан компенсацияланат
• медициналык кароодон өткөрүүнү уюштуруу
• медициналык камсыздандыруу жана медициналык тейлөө менен камсыз кылуу
• күнүнө үч маал тамак-аш, жатакана менен камсыз кылуу

Жогоруда көрсөтүлгөн талаптарга жооп берген талапкерлер электрондук почта аркылуу бетме-бет аңгемелешүүгө чакырылат.

Каттоого шилтеме

Маанилүү маалымат:
Жарандарды чет өлкөдө ишке орноштуруу борборунун кызматтары акысыз көрсөтүлөт.
Талапкерлерден ортомчулук кызматтары үчүн акы алынбайт.
Төлөмдөр визалык жол-жоболордун алкагында гана жүргүзүлөт, кошумча же жашыруун төлөмдөр каралган эмес

Катталган талапкерлерди тандап алуу туркиялык иш берүүчүлөр тарабынан жүргүзүлөт. Эгерде 400 орун толукталса, онлайн каттоо автоматтык түрдө жабылат.