2025-жылдын 3-апрелинде Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борборунда Улуу Британиядан келген Gangmaster Labour Abuse Authority (GLAA) уюмунун өкүлдөрү менен жолугушуу болуп өттү.

Жолугушуунун негизги максаты – Кыргыз Республикасынын жарандарынын Улуу Британияда сезондук жумушчу программасы боюнча иштеп жатканда алардын укуктарын жана кызыкчылыктарын коргоо багытында кызматташтыкты талкуулоо.

Жолугушуунун жүрүшүндө Борбордун директору Бактыбек Кудайбердиев Борбордун ишмердүүлүгү, анын максаттары жана милдеттери, ошондой эле расмий ыйгарым укуктуу операторлор жана GLAA менен кызматташуунун учурдагы жана потенциалдуу багыттары менен кеңири тааныштырды. Өзгөчө көңүл жумушчуларды эксплуатациялоого жол бербөө, коопсуз эмгек шарттарын жана мүмкүн болуучу бузууларга ыкчам чара көрүү механизмдерин камсыздоо маселелерине бурулду.

Жолугушуу жагымдуу жана конструктивдүү маанайда өтүп, эки тарап кызматташтыкты тереңдетүү зарылдыгын белгилешти. Борбор менен GLAA уюмунун ортосундагы кызматташуу Кыргызстандын жарандары үчүн Улуу Британияда иштеген учурда ишенимдүү коргоо жана колдоо болору айтылды. Жолугушуунун жыйынтыгында тараптар укук бузуулар болгон учурда ыкчам чара көрүү механизмдерин иштеп чыгуу жана мындан ары да тыгыз кызматташууну улантуу макулдашылды.

Gangmaster Labor Abuse Authority (GLAA) Эксплуатациялоого жана эмгек мыйзамын бузууга каршы аракеттенүү кызматы Улуу Британиянын өкмөтүнүн айыл чарба тармагындагы сезондук жумуш программасынын операторлорун аккредитациялоо жана чет өлкөлүк жарандар үчүн Улуу Британияда иштөө жана мыйзамсыз жумушка орношуунун алдын алуу үчүн милдеттүү болгон операторлорго лицензиясын берүү үчүн ыйгарым укуктуу уюм болуп саналат.