2026-жылдын 25-майында Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борборунун Ош шаарындагы жаңы кеңсесинде жеке ишке орноштуруу агенттиктери үчүн: “Мамлекеттик органдар менен өз ара байланышуу жана жеке кабинетти колдонуу боюнча” практикалык тренинг өткөрүлдү.

Тренингдин негизги максаты - жеке ишке орноштуруу агенттиктеринин мамлекеттик органдар менен өз ара байланышуусунун натыйжалуулугун жогорулатуу, ошондой эле санариптик өз ара аракеттенүү механизмдеринин шартын жакшыртуу.

Тренингдин алкагында катышуучуларга жеке ишке орноштуруу агенттиктеринин жеке кабинетинин кеңейтилген функционалдык мүмкүнчүлүктөрү айтылды. Борбордун адистери онлайн режиминде отчет тапшыруу инструменттерин, актуалдуу бош жумуш орундарга жеткиликтүүлүктү, ошондой эле маалыматтык эсепке алуу системалары менен автоматташтырылган өз ара аракеттенүү мүмкүнчүлүктөрүн көрсөтүштү.

Өзгөчө көңүл ыйгарым укуктуу мамлекеттик орган менен байланышуунун тартиби жана регламенти, ошондой эле уруксат алуу же аны узартуу үчүн документтерди тапшыруу процессинин практикалык аспектилерине бурулду.

Мындан тышкары, жеке иш менен камсыз кылуу агенттиктерине Борбордун жаңы кеңсесинде заманбап жабдылган аянтчада жарандарды чет өлкөгө даярдоо жана жөнөтүү боюнча иш-чараларды мындан ары акысыз негизде өткөрүү мүмкүнчүлүгү тууралуу маалымат берилди.

Тренингдин катышуучулары иш-чаранын практикалык маанисин жогору баалап, жаңы санариптик мүмкүнчүлүктөр отчеттуулук процедураларын жөнөкөйлөтүүгө, ишмердүүлүктүн ачыктыгын жогорулатууга жана мамлекеттик органдар менен өз ара байланышуунун натыйжалуулугун бекемдөөгө өбөлгө түзөрүн белгилешти. 

Жеке ишке орноштуруу агенттиктери менен өнөктөштүктү өнүктүрүүгө, алардын институционалдык потенциалын жогорулатууга, ошондой эле Кыргыз Республикасынын жарандарын коопсуз, мыйзамдуу түрдө чет өлкөдө ишке орноштурууну камсыз кылууга багытталган мындай иш-чараларды өткөрүү Борбордун системалуу ишинин маанилүү бөлүгү болуп саналат.