2025-жылдын 26-февралында Кыргыз Республикасынын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борборунда Казакстан Республикасынын Эмгек жана калкты социалдык жактан коргоо министрлигинин жана Тажикстан Республикасынын Эмгек, миграция жана калкты иш менен камсыз кылуу министрлигинин делегацияларынын таанышуу сапары болуп өттү.

📌 Визит Эл аралык Миграция Уюмунун (ЭМУ) көмөгү менен эл аралык ишке орноштуруу контекстинде онлайн алдамчылыкка жана кибер кылмыштуулукка каршы күрөшүү боюнча эки күндүк региондук семинардын алкагында уюштурулган.

Жолугушуунун негизги темалары

Жарандарды чет өлкөдө ишке орноштуруу борборунун директору Бакытбек Кудайбердиев кесиптештери келиши менен учурашуу сөзүн сүйлөп, Борбордун чет өлкөлүк операторлордун чет элдик жумушчуларды жалдап алуу процессиндеги өз ара аракеттенүү тажрыйбасын көрсөттү.

🔹 Делегациялардын өкүлдөрүнө актуалдуу миграциялык тенденцияларды жана эмгек агымынын динамикасын чагылдырган кеңири статистикалык маалыматтар берилди. Бул маалыматтар Кыргыз Республикасынын жарандарынын эл аралык эмгек процесстерине катышуу масштабын талдоого жана ишке орноштурууга көмөк көрсөтүүнүн натыйжалуу механизмдерин түзүүгө жардам берет.

🔹 Талкууланган маселелер:

* Чет өлкөлөрдө ишке орношуу маселелери боюнча жарандарга кеңеш берүү жол-жоболору;

* Мигранттар үчүн алдын ала окутуу тренингдерин уюштуруу;

* * Жумушка орношулуучу негизги өлкөлөргө тандап алуу процесси;

* Иш менен камсыз кылуунун жеке агенттиктеринин (ЖИА) ишин жөнгө салуу механизмдери.

🔹 Тажрыйба алмашуу

Борбор Кыргыз Республикасынын жарандарын тышкы эмгек рыногунда ишке орноштурууда көмөк көрсөтүүнүн иштелип чыккан практикасы, ИЖА иш регламенти жана миграциялык процесстерди жөнгө салуунун ийгиликтүү кейстери менен бөлүштү. 

Санариптик чечимдердин презентациясы

Катышуучуларга Борбордун расмий сайтынын функциясы көрсөтүлдү – www.migrant.kg жарандар менен байланышуу жана өз ара аракеттенүү үчүн маанилүү курал катары кызмат кылат. 

Эл аралык Миграция Уюмунун (ЭМУ) ролу

Эл аралык Миграция Уюмунун (ЭМУ) миграциялык процесстерди жөнгө салуунун натыйжалуу механизмдерин өнүктүрүүгө, коопсуз эмгек миграциясына, эмгек мигранттарынын укуктарын коргоого жана калктын онлайн-алдамчылык жана кибер кылмыштуулуктун тобокелдиктери жөнүндө маалымдуулугун жогорулатууга олуттуу колдоо көрсөтөт.

Борбор жарандарды чет өлкөлөрдө ишке орноштуруунун коопсуз жана ачык механизмдерин өнүктүрүүгө, ошондой эле эмгек миграциясы чөйрөсүндө алдамчылыкка жана кибер кылмыштуулукка каршы күрөшүү боюнча чараларды күчөтүүгө багытталган жигердүү эл аралык кызматташтыкты уланта берет.